काठमाडौं । भद्रगोलमा पछिल्लो समयमा चर्चामा आएकी पात्र मुन्नी अर्थात प्रियना आचार्य अभिनित म्युजिक भिडियो सार्वजनिक भएको छ । भद्रगोलकै श्रृंखला निर्देशक काकु अर्थात दीपक आचार्यको निर्देशनमा बनेको म्युजिक भिडियोमा प्रियनाको साथमा साहिल खड्काको अभिनय रहेको छ । भिडियोमा प्रियना दोहोरो भूमिकामा प्रस्तुत भएकी छन् ।
असफल प्रेमलाई कलात्मक शैलीमा प्रस्तुत गरिएको म्युजिक भिडियो साहिल खड्का अफिसियलमा सार्वजनिक भएको छ । साहिल खड्काको शब्द संगीत तथा स्वर रहेको गीतको भिडियोलाई बुद्ध थापाले खिचेका हुन् । भिडियोमा सागर मगरको कोरियोग्राफी रहेको छ ।
