काठमाडौं । आगामी फागुन २३ गते रिलिज हुने फिल्म ‘म यस्तो गीत गाउँछु २’ को तेस्रो गीत ‘कसम कसम’ सार्वजनिक भएको छ । सुगम पोखरेलको स्वर रहेको डान्सिङ बिटको गीतमा पल शाह, पूजा शर्मा र एलिशा शर्मा फिचर्ड छन् । दिनेशराज पुरीको शब्द रहेको गीतमा अर्जुन पोखरेलको संगीत र रामजी लामिछानेको कोरियोग्राफी छ । शब्द रचना गरेको गीतमा अर्जुन पोखरेलको संगीत छ । भने, रामजी लामिछानेको कोरियोग्राफी गरेका छन् ।
सुदर्शन थापाले निर्देशन गरेको फिल्मको ‘तिम्रो घरको वरिपरी’ र ‘दुखको काँडा’ चर्चामा छन् । अघिल्लो संस्करणको ‘म यस्तो गीत गाउँछु’का पनि सबै गीत चलेका थिए । फिल्मले बक्स अफिसमा पनि राम्रो सफलताको स्वाद चाखेको थियो ।
शिवम अधिकारी र दिनेश न्यौपानेको पटकथा रहेको फिल्ममा पूजा र पलसँगै हरिहर शर्मा, दिनेश डिसी, राजा राजेन्द्र पोखरेल, गणेश गिरी, सोनीका रोकायलगायतका कलाकारको अभिनय छ । निर्देशक थापा र अभिनेत्री शर्माले निर्माण गरेको फिल्ममा सौरभ लामाको छायांकन, अर्जुन पोखरेलको संगीत र बनिश शाह र मिलन श्रेष्ठको सम्पादन छ । फिल्ममा जन्मजय सम्पाङ राई सह–निर्माता छन् ।
