काठमाडौं । गायक भुपु पाण्डे र गायिका प्रविशा अधिकारीको स्वरमा ‘मायालु’ बोलको नयाँ गीतको भिडियो सार्वजनिक भएको छ । झापा घर भइ अमेरिकामा बस्दै आउनु भएका गीतकार राजेश अर्यालको शब्द गीतमा छ । संगीत गायक भूपुकै हो । गीत एल्बम ‘स्मृति’ भित्र समावेश छ ।
म्युजिक भिडियोमा सुनिल क्षेत्री र बिना राउतको रोमान्स देख्न सकिन्छ । अमृत चापागाईंको सम्पादन, नवराज उप्रेतीको छायांकन रहेको भिडियोमा सुनिलकै कोरियोग्राफी र निर्देशन छ । भिडियो गीतकार राजेश अर्यालको अफिसियल च्यानल मार्फत सार्वजनिक भएको हो ।
गीतकार अर्यालका यसअघि ‘प्रेमको फूल’, ‘बाउकी सोझी छोरी’, ‘आइ लभ यु, आइ मिस यु’लगायतका गीत सार्वजनिक भइसकेका छन् ।
