मुम्बई(एजेन्सी) । बलिउड अभिनेत्री कंगना रनावतकी आमा आशा रनावतले कंगनाको सुरक्षाका लागि मनालीस्थित घरमा विशेष पुजा लगाएकी छन् । पूजाको तस्बिर उनको टिमले सामाजिक सन्जालमा शेयर गरेका छन् । उनकी आमाले एक लाख १५ हजार महामृत्युंजय मन्त्र जप गराएकी छन् ।
विगत दुई महिनादेखि कंगना लगातार अभिनेता सुशान्त सिंह राजपूतको निधनको वास्तविक कारण जान्नका लागि सामाजिक सन्जालबाट आवाज बुलन्द बनाइरहेकी छन् ।
कंगनाको टीमका अनुसार यो पुजा आइतबार भएको हो । यो पुजामा कंगनाको आमा आशा, बहिनी रंगोली र रंगोलीका छोरा पृथ्वीराज सहभागी थिए । कंगना सुशान्तको निधन पछि लगातार नेपोटिजम र बलिउडको ग्रुपिज्म, फेवरिटिज्ममाथि आक्रमण गरिरहेकी छन् । उनले तापसी, जान्हवी, आलिया, महेश भट्ट, करन जोहरमाथि निशाना साँधिरहेकी छन् ।
