काठमाडौं । गायिका दुर्गा खरेलको स्वर रहेको नयाँ गीत ‘काले केटा २ म हिँड्दा खेरी’को भिडियो सार्वजनिक भएको छ । गीतमा अर्जुन पोखरेलको संगीत तथा ध्रुवप्रसाद अम्गाईको शब्द छ । गायनमा दुर्गालाई प्रताप दासले साथ दिएका छन् । गीतमा अर्जुनकै एरेन्ज छ ।
भिडियोमा पल शाह, आकाश श्रेष्ठ, पुजा शर्मा र शंकर शाही ठकुरी फिचर्ड छन् । विधान कार्की निर्देशित भिडियोमा उत्सव दाहालको छायांकन, विकास दाहालको सम्पादन तथा रंग संयोजन, सुरेन्द्र बसेलको कोरियोग्राफी, माधव शर्माको सहायक निर्देशन छ ।
यसअघि गायिका दुर्गाले नै गाएको गीत ‘काले केटा’ हिट भएको थियो । भिडियो दी डिभाइन म्यूजिकबाट सार्वजनिक भएको हो ।
