काठमाडौं । आगामी माघ ४ गतेबाट रिलिज हुने फिल्म ‘गरुढ पुराण’ समूहले हालै सार्वजनिक फिल्म गीत ‘म त पिरिम मा’ को कभर भिडियो प्रतियोगिताको घोषणा गरेको छ । मदानी क्रिएसनको सहकार्यमा गरिएको प्रतियोगितामा उत्कृष्ट नृत्यको भिडियोले ५० हजार रूपैंयाँसँगै एक म्युजिक भिडियो र नृत्य समूहका सदस्यहरूको फोटो सेसनको अवसर पाउनेछन् ।
क्रिएसनका प्रमुख कार्यकारी अधिकृत विष्णुकान्त घिमिरेले प्रतियोगितामा भाग लिन एकल वा युगल वा सामुहिक रुपमा कभर भिडियो बनाएर कम्पनीमा पठाउनुपर्नेछ । निर्देशक दिनेश राउतको शब्द रहेको गीतमा कोशिस क्षेत्री र मनिषा पोखरेलको स्वर छ ।
गीतमा कोशिसकै संगीत, उदयराज पौडेलको एरेन्ज र रेनाशा बान्तवा राईको कोरियोग्राफी छ । गीतमा निश्चल बस्नेत, कर्मा, प्रियंका सिंह र अञ्जली योञ्जनले फिचरिङ गरेका छन् । फिल्ममा सुवास कोइरालाको निर्देशन छ ।
