काठमाडौं । नायिका तथा निर्मात्री ऋचा घिमिरेले निर्माण गरेको फिल्म ‘तुलसी’ प्रदर्शन हुने भएको छ । बोधी एचडी र ८८४८ मिडियाले वितरण गर्ने यो फिल्म डिजिटल माध्यमबाट प्रदर्शन गर्न लागिएको हो । फिल्म नेपाल प्रदर्शन अगावै बेलायत, मकाउ, युरोप, स्कटल्यान्ड, अमेरिका, क्यानडा, तथा थुप्रै देशहरुमा प्रदर्शन भइसकेको छ ।
मिजास इन्टरटेन्मेन्ट एन्ड मिडियाबाट निर्मित यस फिल्ममा रञ्जित गजमेरको संगीत तथा शंकर घिमिरेको निर्माण र निर्देशन छ । फिल्मका गीतमा आशा भोषले, साधना सरगम, शान र कुमार कान्छाले स्वर दिएका छन् ।
गीतमा सुरेश अधिकारीको शब्द रहेको छ । एक गीतमा भने बसन्त सापकोटाको संगति र शिव परियारको स्वर छ । शिवम् अधिकारीले लेखेको फिल्ममा दीपक बज्राचार्यको छायांकन छ ।
फिल्ममा ऋचा घिमिरे, विमलेश अधिकारी, आयुष रिजाल, जयकिसन बस्नेत, विष्णु सापकोटा, पुष्कर भट्ट, सुष्मा कार्कीआदि मुख्य भुमिकामा छन् भने विशेष भुमिकाहरुमा राजेश हमाल, भुवन केसी, शिव श्रेष्ठ, करिश्मा मानन्धर, मौसमी मल्ल र तृप्ती रहेका छन् ।
