काठमाडौं । चैत्र २९ गतेबाट प्रदर्शनमा आउने फिल्म ‘यात्रा स् अ म्युजिकल भ्लग’ को तेस्रो गीत ‘डुली डुली’ सार्वजनिक भएको छ । गीतमा मेलिना राईको स्वर छ । गीतमा दिवेश उप्रेती र प्रतिक पौडेलको शब्द तथा प्रतिक र कोविद बज्रको संगीत छ । गीतमा डेब्यु गर्ल मलिका महत फिचर्ड छन् ।
गाउँकी तपस्या सहर आइसकेपछि हुने कन्सर्टमा गीत केन्द्रित छ । गीतमा मलिका दृष्टिविहिन छिन् । गीतमा फिल्मका अन्य कलाकारहरु सलिनमान बनिया, जान्वी बस्नेत, रेअर राई, विशाल कटवाल, प्रेक्षा बज्राचार्य फिचर्ड छन् ।
सम्राट शाक्यको डेब्यु निर्देशन रहेको फिल्ममा सलिनसँगै, सलोन बस्नेत, जान्वी बस्नेत, जयनन्द लामा, रेअर राई, प्रेक्षा बज्राचार्य, धिरेन शाक्य, राजाराम पौडेल, विशाल कटवाल, समृद्धि राई, योगेशजंग कुँवर, इश्वर पौडेल, नानीकाजी डंगोल, राजेश बिसुराललगायतको अभिनय छ ।
कोटकी कालिका देवीफिल्म्स प्राइभेट लिमिटेड , क्रिएटिभ फिल्म प्रोडक्सन र हरि ओम सिने मेकर्सको ब्यानरमा निर्माण हुने फिल्ममा कलाकार केशव भट्टराईसँगै चिज कुमार श्रेष्ठ पनि प्रस्तुतकर्ता रहेको फिल्ममा बिक्रम पराजुली , मुक्ति तिम्सिना र राम शरण घिमिरे सह( निर्माता रहेका छन् । फिल्मका निर्माता सुशील पोखरेल हुन् भने यसको कार्यकारी निर्माता सर्जुमान लिगल रहेका छन् ।
