मुम्बई(एजेन्सी) । बलिउडका प्रख्यात अभिनेता सुशान्त सिंह राजपुतले बान्द्रास्थित आफ्नो घरमा आत्महत्या गरेका छन् । उनले के कारणले आत्महत्या गरे भन्ने थाहा हुन सकेको छैन । बान्द्रा पुलिस स्टेसनमा सुशान्तका सहयोगीले यो कुराको जानकारी दिएका हुन् ।
टेलिभिजनबाट आफ्नो करियर शुरु गरको सुशान्तले हालैका वर्षहरुमा ठूलो पर्दामा आफ्नो उपस्थितिलाई दह्रो बनाएका थिए । उनले ‘केदारनाथ’, ‘डिटेक्टिव ब्योमकेश बक्शी’, ‘एमएस धोनीः द अनटोल्ड स्टोरी’, ‘काई पो चे’ र ‘छिछोरे’ जस्ता केही फिल्ममा लिड भूमिकामा अभिनय गरेका थिए ।
उनले ‘किस देश में है मेरा दिल’ नामक टेलिभिजन सिरियलबाट आफ्नो करियर शुरु गरेका थिए । उनले अभिनय गरेको ‘पवित्र रिस्ता’ प्रख्यात सिरियल हो । चारदिन अघि सुशान्तका मेनेजर दिशाको पनि भवनबाट झरेर मृत्यु भएको थियो । सुशान्तको जन्म पटनामा भएको थियो ।
