काठमाडौं । फिल्म ‘बिहे पास’ को ट्रेलर सार्वजनिक भएको छ । ट्रेलर अभिनेता दयाहाङ राई र अभिनेत्री प्रकृति श्रेष्ठ वरपर घुमेको छ । ट्रेलरमा पत्नी प्रकृति सरकारी अधिकृत र पति दयाहाङलाई सरकारी जागिर पाउन प्रयत्नरत देखाइएको छ । ट्रेलरमा दयाहाङलाई तनावको अवस्थामा देखाइएको छ ।
प्रबेश पौडेल निर्देशीत फिल्ममा श्याम राई, विशाल पहाडी, सुवास गजुरेल, हिउँवाला गौतम, रुषा न्यौपाने, नवीन शेरचन, उमा बानियाँ र प्रकाश भुजेलको अभिनय छ ।
फिल्मको प्रस्तुतकर्ता रोहित कट्टेल र कार्यकारी निर्माता रत्न श्रेष्ठ छन् । शिब ढकालको छायांकन रहेको फिल्ममा मित्र गुरुङको सम्पादन, मर्रे केर,आकाश बराल र सजन काफ्लेको कथा तथा आकाश र सजनको पटकथा छ । रोजन श्रेष्ठ निर्माता,ग्याल्जेन लामा र बालकृष्ण पाख्रिन सहनिर्माता रहेको फिल्म आरआर फिल्म प्रोडक्सनले निर्माण गरेको हो ।
