काठमाडौं । गायक कर्णदास र गायिका प्राश्ना शाक्यको स्वरमा रहेको ‘तिमी टाढा कता कता’ बोलको गीतको मुस्ताङमा छायांकन गरिएको छ । किशोरदत्त बरालको शब्द रहेको गीतमा गायक कर्णकै संगीत छ ।
भिडियोमा नायिका सारा सिर्पाली र मोडल विजय कार्कीले फिचरिङ गरेका छन् । भिडियोको निर्देशन फिल्म निर्देशक बसन्त निरौलाले गरेका हुन् । फिल्म ‘विजयपथ’बाट फिल्म निर्देशनमा डेब्यु गरेका निरौलाको पछिल्लो रिलिज फिल्म ‘मेला’ हो । उनी यतिबेला नयाँ फिल्म ‘होलिडे’को रिलिजको तयारीमा छन् । यो फिल्म युरोपका विभिन्न सहरमा खिचिएको छ ।
गीतको भिडियोमा अभिनेत्री तथा कोरियोग्राफर पवित्रा आचार्यको कोरियोग्राफी छ । अरबिन्द पौडेल निर्माता रहेको भिडियोमा दिव्य सुवेदीको छायांकन छ । भिडियो चाँडै नै युट्युबमा सार्वजनिक गरिने निर्देशक निरौलाले बताए ।
