काठमाडौं । अन्तरदेशीय प्रेम सम्बन्धको कथा प्रस्तुत गरिएको फिल्म ‘प्रेमलीला’को दोस्रो ‘मिस गरें’ सार्वजनिक भएको छ । गीतमा नायिका दिपशिखा खड्का र नायक मौसम खड्का फिचर्ड छन् । डा. कृष्णहरी बरालको शब्द र हरी लम्सालको संगीत रहेको गीतमा युवराज चौलागाई र मेलिना राईको स्वर छ ।
सार्वजनिक भिडियोमा पवन गौतमको छायांकन, चन्दन दत्त र सालिक दुलालको सम्पादन, रामजी लामिछानेको कोरियोग्राफीे छ । यसअघि फिल्मको फस्टलुक पोस्टर र हिन्दी भर्सनको गीत सार्वजनिक भइसकेको छ ।
फिल्ममा भारतीय मोडल अली खान, सुरज तमु, रेखा शाह, शर्मिला शर्मा तथा भारतीय कलाकारहरु अर्चना शुक्ला, ट्वीकंल श्रीवास्तव लगायतको अभिनय छ । नायिका खड्का कै कथा, पटकथा तथा संवाद रहेको फिल्म नानीमैया कार्की र फैजिल फिल्म्सले निर्माण गरेको हो । फिल्म माघ २५ बाट देशभर रिलिज हुँदैछ ।
