काठमाडौं । आगामी भदौ ६ गते रिलिज हुने फिल्म ‘हजार जुनीसम्म’ को दोस्रो गीत ‘आज नगद भोलि उधारो’ सार्वजनिक भएको छ । सार्वजनिक गीतमा निर्देशक तथा कलाकार दीपाश्री निरौला, आर्यन सिग्देल, शिवहरि पौडेललगायत फिचर्ड छन् ।
गीतमा दीपा ‘भट्टीको साहुनी’ शर्मिलाका रुपमा प्रस्तुत भएकी छिन् । गीतमा नायिका स्वस्तिमा खड्का, नव–नायक अखिलेस प्रधान, कलाकार राम चन्द्र अधिकारी, उत्तम केसी लगायतलाई पनि देख्न सकिनेछ ।
कविराज गहतराजले कोरियोग्राफी रहेको गीतलाई पुरुषोत्तम प्रधानले छायांकन गरेका हुन् । ‘आज नगद भोली उधारो’ बोलको गीतमा एक नारायण भण्डारीको शब्द, बसन्त सापकोटाको संगीत तथा प्रल्हाद तिमिल्सिना, मिना निरौला र दीपाश्रीको स्वर छ । नाई नभन्नु ल सिरिजका निर्देशक विकासराज आचार्यको निर्देशन रहेको फिल्मको पटकथा सामिप्यराज तिमल्सेनाले तयार पारेका हुन् ।
फिल्ममा संचिता लुइँटेल , अनुभव रेग्मी लगायतको पनि अभिनय रहेको छ । यसमा उदयराज सोताङ्ग, राजनराज सिवाकोटी, बसन्त सापकोटा र प्रविन पौडेलको संगीत, अर्जुन जिसीको सम्पादन छ । कविता रेग्मी फिल्मकी कार्यकारी निर्माता हुन् भने यसमा विशाल चाम्लिङ निर्माता छन् ।
