मुम्बई(एजेन्सी) । गायक तथा अभिनेता आदित्य नारायण झाले बलिउडको चर्चित रियालिटी शो ‘इन्डियन आइडल’को आउन लागेको सिजनको होस्ट गर्ने भएका छन् । उनले इन्स्टाग्राममा यो कुराको पुस्टि गरेका हुन् ।
‘एक नयाँ सुरुवात । यो बताउँदा मलाई खुशी लाग्छ कि म ‘इन्डियन आइडल ११’को होस्ट गर्दैछु । मलाई शुभकामना दिनुहोस्’, उनले लेखेका छन् । यो पोस्टसँगै उनले एक तस्बिर पनि अपलोड गरेका छन् । जहाँ उनलाई यो शोको होस्टको अडिसनका लागि उभिएको देख्न सकिन्छ ।
यो रियालिटी शोको यसअघि मनिष पल, हुसैन कुवाजर्वाला, मिनी माथुर, करण वाही, मन्दिरा बेदीले होस्ट गरिसकेका छन् ।
