काठमाडौं । सुदर्शन थापा निर्देशित फिल्म ‘सम्हालिन्छ कहिले मन’को ट्रेलर सार्वजनिक भएको छ । सार्वजनिक २ मिनेट ५५ सेकेन्डको ट्रेलरमा पूजा शर्मा, सोनम तोप्देन र आकाश श्रेष्ठको प्रेममा आउने उतारचढावलाई प्रस्तुत गरिएको छ ।
भदौ १७ गतेबाट प्रदर्शनमा आउन लागेको फिल्ममा पूजा, सोनम र आकाशसँगै गौरी मल्ल, सरोज खनाल, धिरेन शाक्यलगायतका कलाकारहरुको पनि अभिनय छ । गायकसमेत रहेका सोनमको यो डेब्यू फिल्म हो ।
एवि इन्टरनेशनलको ब्यानरमा निर्माण भएको फिल्मको महेश दवाडीको कथा लेखन, सौरभ लामाको छायांकन, अर्जुन पोखरेल, ताराप्रकाश लिम्बु र जेम्स प्रधानको संगीत, कविराज गहतराजको कोरियोग्राफी, अर्जुन जिसीको सम्पादन रहेको फिल्मको निर्मातामा अमित बस्नेत, सह–निर्मातामा परी राना र अजितकुमार थापा, कार्यकारी निर्मातामा सनिस खकुरेल र अंकित गौतम छन् । फिल्मको छायांकन यूकेमा गरिएको हो ।
