काठमाडौं । आगामी असार ८ गतेबाट प्रदर्शनमा आउने तयारीमा रहेको फिल्म ‘अन्तिम संस्कार’ को टिजर सार्वजनिक गरिएको छ । एक मिनेटको टिजरमा फिल्ममा भएको सस्पेन्स,थ्रिलर,इमोसनलाई देखाउन खोजिएको छ।
लण्डनमा बस्दै आएका निर्देशक प्रदीप शाहीको निर्देशन तथा लेखनमा बनेको फिल्म साई प्रोडक्सन नेपालको ब्यानरमा ह्याम्साएर एकाउन्टेनको सहकार्य रहेको छ । फिल्म ‘अन्तिम संस्कार’ मा भाइराजा थापा, राजकुमार गुरुङ, सुमन राई, उत्सव विष्ट, रबिन्द्र श्रेष्ठ कार्यकारी निर्माता छन् । विनोद सुवेदी क्षितिज निर्माता रहेको फिल्म सामाजिक एवं सांस्कृतिक कथावस्तुमा निर्माण भएको हो । ‘मर्डर मिस्ट्रि ’को कथालाई फिल्ममा समावेश गरिएको छ ।
फिल्ममा विजय लामा, दिया पुन, एवनराज उप्रेती, त्रिचन्द्र राई, रेश्मा घिमिरे, विशाल पहारी, कृष्णभक्त महर्जनल, श्याम राई, पासाङ शेर्पा, दिग्गज खत्री, सुस्मिता गिरी, आईशा तामाङ, धर्मानन्द आचार्य,सुरज खालिङ,विकास अधिकारी लगायतको अभिनय छ ।
बाबु श्रेष्ठको छायांकन र रुपेश गुरुङको समपदन रहेको फिल्मको प्रोडक्सन डिजाईनर प्रेम खड्का हुन् । फिल्मलाइ एप्पल इन्टरटेन्टमेन्टले वितरणको जिम्मा लिएको छ।
