काठमाडौं । आगामी शुक्रबारबाट रिलिज हुन लागेको सलिनमान बनिया स्टारर फिल्म ‘यात्राः अ म्युजिकल भ्लग’ले मकै एपसँगको सहकार्यमा क्विज कन्टेस्ट आयोजना गरेको छ । प्रतियोगितामा एक प्रश्न सोधिएको छ । जसको सहि जवाफ दिनेमध्येबाट एक भाग्यशालीले १ लाख नगद पाउनेछन् ।
फिल्ममा मलिका महतले तपस्याको भूमिका निर्वाह गरेकी छिन् । उनले आफ्नो आँखाको ज्योति कसरी गुमाउछिन् ? यस प्रश्नको जवाफका लागि सहभागीले ट्रेलर हेरेर दिएको अप्सन मध्ये एकमा टिक लगाउने पर्नेछ । टिक लगाएपछि प्रतियोगीले आफ्नो नाम र नम्बरसँगै इमेल सहितको प्रयोग गरि सबमिट गर्नु पर्नेहुन्छ । यसमा विश्वभरका जो कोहीले पनि सहाभागिता जनाउन पाउनेछन् ।
नेपालबाट विनर भए १ लाख नगद र विदेशबाट भए नौ सय युएस डलर प्रदान गरिने प्रस्तुतकर्ता चिजकुमार श्रेष्ठले बताए । यो प्रतियोगिता आउँदो चैत्र २९ गते विहान ८ बजे बन्द गरिने छ भने आउँदो वैशाख २० गते फेसबुक लाइभ मार्फत विजेता घोषणा गरीनेछ । यस प्रतियोगितामा सहभागी हुनेले उल्लेखित सर्त तथा नियम पढ्नु पनि अति आवश्यक छ । फिल्म तपस्याको भूमिकामा देखिएकी मलिकाको वरपर नै घुमेको छ ।
फिल्ममा सलिनमान बनियाँ, सलोन बस्नेत, जान्वी बस्नेत, जयनन्द लामा, रेअर राई, प्रेक्षा बज्राचार्य, धिरेन शाक्य, राजाराम पौडेल, विशाल कटवाल, समृद्धि राई, योगेशजंग कुँवर, इश्वर पौडेल, नानीकाजी डंगोललगायतको अभिनय छ ।
कोटकी कालिका देवीफिल्म्स, क्रिएटिभ फिल्म प्रोडक्सन र हरि ओम सिने मेकर्सको ब्यानरमा निर्माण भएको फिल्ममा कलाकार केशव भट्टराईसँगै चिजकुमार श्रेष्ठ पनि प्रस्तुतकर्ता छन् । फिल्ममा बिक्रम पराजुली , मुक्ति तिम्सिना र राम शरण घिमिरे सह( निर्माता रहेका छन् । फिल्मका निर्माता सुशील पोखरेल हुन् भने यसको कार्यकारी निर्माता सर्जुमान लिगल रहेका छन् । फिल्ममा सम्राट शाक्यको निर्देशन छ ।
