काठमाडौं । यसै वर्षको चैत २८ गते प्रदर्शन हुने फिल्म ‘प्रेम गीत ३’ को मुख्य नायिकाका लागि निर्माण पक्षले खोजी अभियान सुरु गरेको छ । फिल्ममा राम्रो अभिनय गर्ने कलाकारलाई प्रवेश गराउने उद्देश्य अनुसार नै नयाँ नायिकालाई अडिसनमार्फत छनोट गरिन लागिएको हो ।
आसुसेन फिल्मको ब्यानरवाट निर्माण हुने फिल्मका लागि इच्छुकले आशुसेनको वेभसाइटमा गएर जानकारी लिन सक्नेछन् । निर्माता तथा फिल्मबाट निर्देशनमा डेब्यू गर्न लागेका सन्तोष सेनका अनुसार सहभागीले हालै खिचेका ४ वटा स्पष्ट अनुहार देखिने तस्विरसहित आफ्नो बायोडाटा पठाउनुपर्नेछ । नायिका बन्न चाहनेहरुको उचाई ५.२ देखी ५.७ सम्म हुनुपर्ने र १८ बर्षभन्दामाथि र २५ बर्ष नपुगेको हुनुपर्नेछ ।
आवेदन आइएसकेकाहरुमध्ये २० जना फाइनल अडिसनका लागि छानिने र तीमध्येबाट एकजनालाई नायिकामा छनोट गरिनेछ । आशुसेनले आगामी जेठ १० सम्म समयसीमा तोकेको छ ।
