काठमाडौं । ‘म्हेन्दोमाया’ गायक जयवीर तामाङको ‘आजभोली गाउँघरमा’ बोलको मौलिक नेपाली लोक पप गीत सार्वजनिक भएको छ । गीतमा जयवीरको शब्द तथा स्वर छ ।गीतमा पवनवाङ लामाको संगीत तथा एरेञ्ज छ । भिडियोमा नरमान तामाङ (रविन)को निर्देशन छ । उनले यसअघि २ वटा तामाङ फिल्मका साथमा थुप्रै म्युजिक भिडियोको निर्देशन गरिसकेका छन् ।
भिडियोमा मोडल पूर्णिमा लामा, मन तामाङ फिचर्ड छन् । धादिङ जिल्लाको रमणीय स्थानहरुमा छायांकन गरिएको भिडियो आकर्षक देखिन्छ । मोडल पूर्णिमाले दुई दर्जन बढी भिडियोमा अभिनय गरिसकेककी छिन् ।
त्यस्तै मनले सालैजा लगायत अन्य केही गीतमा मोडलिङ गरेका छन् । गीतको भिडियोलाई प्रकाश वाइवाले छायांकन गरेका हुन् भने विष्णु खड्काले सम्पादन गरेका हुन् ।
