काठमाडौं । नायक पल शाह र नवनायिका श्रद्धा क्षेत्रीलाई रोमान्टिक जोडीका रुपमा प्रस्तुत गर्दै लेखक तथा निर्देशक सुरज सुब्बा ‘नाल्बो’ले नयाँ फिल्म ‘हृदय भरी’ घोषणा गरेका छन् । राजधानीमा सोमबार कलाकार र प्राविधिक सार्वजनिक गर्दै फिल्म निर्माणको घोषणा गरिएको हो ।
निर्देशक नाल्बोले फिल्म केही फरक कथामा निर्माण गरिने बताए । फिल्ममा पल शाह, निर शाह, सुनिल थापा, आकाश बाबु खवास, अनुराग कुँवर, निर्मल शर्मा, सलोन बस्नेत, रेखा लिम्बु, कविता रेग्मी, अभिदिथ खाती, बिके श्रेष्ठ, दिपक गजमेर, प्रेम श्रेष्ठलगायतको अभिनय रहनेछ । फिल्मलाई एन फिल्मस् एण्ड क्रिएशन, शाह प्रोडक्सन र दिपीन्द्र फिल्मसको संयुक्त ब्यानरमा निकेश लिम्बु, चन्दन शाह तथा दिपीन्द्र राईले निर्माण गर्दैछन् ।
फिल्ममा सौरभ विश्वास र रुचि विश्वास सह निर्माताको रुपमा रहेका छन् भने प्रस्तुतकर्ता चन्दन शाह हुन् । फिल्ममा मानकृष्ण महर्जनको छायांकन, अर्जुन पोखरेल, हरी लम्साल, दिपक शर्माको संगीत, कविराज गहतराज र प्रविन सिङको कोरियोग्राफी , केदार भुषालको लेखन , बिपिन मल्लको सम्पादन रहेको छ ।
