काठमाडौं । गायिका राधिका विष्टको ‘रेलिमाई’ बोलको गीतको म्युजिक भिडियो सार्वजनिक भएको छ । मिले आर्ट्सको प्रस्तुति रहेको भिडियो राधिका विष्टको अफिसियल युट्युब च्यानलमार्फत सार्वजनिक भएको हो ।
सार्वजनिक गीतमा शब्द तथा संगीत पनि गायिका विष्टकै छ । अस्ट्रेलियामा बस्दै आएकी गायिका राधिका त्यही बसेर संगीतमा सक्रिय छिन् ।
निकेश खड्काले निर्देशन गरेको भिडियोमा मरिष्का पोखरेल र निराजन प्रधान फिचर्ड छन् । भिडियोमा उत्तम हुमागाई र प्रनेश शाक्यको छायांकन र प्रविण श्रेष्ठको सम्पादन छ । यो गीत गायिका विष्टको ‘गाउने धुन २’ एल्बममा समावेश रहेको छ ।
