काठमाडौं । गत चैत २९ बाट प्रदर्शनरत फिल्म ‘यात्राः अ म्युजिकल भ्लग’को प्रेमगीत ‘फ्लाइङ’ सार्वजनिक भएको छ ।गीतमा फिल्मकी ‘डेब्यु गर्ल’ मलिका महतसँग सलिनमान बनियाँ रोमान्टिक मुडमा देखिएका छन् । पोखराका रमणीय स्थानमा छायांकन गरिएको गीतमा सुगम पोखरेल र मेलिना राईको स्वर तथा प्रतिक पौडेलको शब्द र संगीत छ । गीतमा प्रविन सिंहको कोरियोग्राफी छ ।
फिल्मका निर्देशक सम्राट शाक्यले आफुहरुले पूर्व योजना अनुसार नै गीत सार्वजनिक गरेको बताए । फिल्ममा सलिनले भ्लगमार्फत समाजमाल्याउन सकिने परिवर्तनलाई चित्रण गरेका छन् ।
फिल्ममा सलिनसंगै सलोन बस्नेत, जान्वी बस्नेत, जयनन्द लामा, रेअर राई, प्रेक्षा बज्राचार्य, धिरेन शाक्य, राजाराम पौडेल, विशाल कटवाल, समृद्धि राई, योगेश जंगकुँवर, ईश्वर पौडेल, नानीकाजी डंगोल, राजेश बिसुराल, देशभक्त खनाल, कमल मैनालीलगायतको अभिनय छ ।
