काठमाडौँ । फिल्म ‘अक्षरा’को वियोगान्त गीत ‘भाग्यले होकी’ सार्वजनिक भएको छ । गीतको भिडियोमा फिल्मका कलाकारहरु न्यान्सी खड्का, सुशील सिटौला र रिस्ता बस्नेतको अभिनय छ ।
गीतको भिडियोमा सुशील र रिस्ता भावुक देखिन्छन् । गीतमा रचना रिमालको स्वर रहेको छ भने शब्द सुरेन्द्र रानाको छ। साथै संगीत कर्णराज गिरीले भरेका छन्। यस गीतको कोरियोग्राफी रामजी लामिछानेको छ।
यही शुक्रबारबाट प्रदर्शनमा आउन लागेको फिल्ममा न्यान्सी खड्का,सुशील सिटौला,सुशील पोखरेल, अंशु महर्जन, पुष्कर राउत, रिस्ता अधिकारी, उत्तम केसी, गीता अधिकारी, वीरेन्द्र कुशवाह, सृजना अधिकारी, मोहन अधिकारी, सुमन ज्योति न्यौपाने (ल्याग्री दादा),सृष्टि खड्काले अभिनय गरेका छन्। साथै बालकलाकारमा रोनक खड्का र प्रीसा ढुङ्गाना छन्।
उग्रसेन ढुङ्गाना र सुग्रसेन ढुङ्गाना निर्माता रहेको यस फिल्मको कार्यकारी निर्मातामा सुरज थापाकाजी र सुमन ज्योति न्यौपाने छन्। क्षित बाबु प्रोडक्सन हाउसको ब्यानरमा निर्माण भएको यस फिल्मको कथा निर्माता उग्रसेन आफैले लेखेका हुन् भने पटकथा तथा संवाद अभिमन्यु निरवी र निर्देशक पौडेलले संयुक्त रूपमा तयार पारेका हुन्।
यस फिल्मको प्रस्तुतकर्ता सोनी थापा (ढुङ्गाना) हुन् भने फिल्मलाई दिपेन बस्न्यातले खिचेका हुन्। साथै सम्पादनको जिम्मा गौतम खड्काको छ। नेसनल सिने ग्रुप नेपालका तर्फबाट दीपक दंगालले नेपालभर फिल्म वितरणको जिम्मा लिएका छन् भने फिल्मको डिजिटल अधिकार ओएसआर डिजिटलले खरिद गरेको छ।
