काठमाडौं । शुक्रबार प्रदर्शन अन्तर्गत नयाँ नेपाली फिल्म ‘लुङा’ प्रदर्शन भएको छ । समसामयिक विषयवस्तुमा आधारित फिल्ममा निर्देशक किरण राईको निर्देशन छ ।
बुद्धि तामाङ, भुवन सिंह राई, सारा लोहोरुङ राई, भीम शेरमा लिम्बू, प्रकाश दाहाल, अनुप लिङ्खिम, सुदीप जंग कार्की, गङ्गाबहादुर राई, सम्झना लिम्बू, रमेश बुढाथोकी, निशान लुइँटेल, स्मृति पोखरेल, सलिना गुरुङलगायतका कलाकारले अभिनय गरेको फिल्म सम्पूर्ण वर्गका दर्शकको लागि रहेको निर्देशक राईले जानकारी दिए । ‘यसलाई हामीले प्रेम कथानक शैलीमा तयार गरेका छौँ’, निर्देशक राईले भने ।
यसमा भुवन सिङ्ह राईले लेखेको कथालाई प्रयास घिमिरे र निश्चल सापकोटाले पटकथाको स्वरूप दिएका हुन् । काठमाडौँमा जिजिए ग्रुप र रीच इन्टरटेनमेन्ट तथा मोफसलमा एफडी कम्पनीले वितरण गरेको छ ।
